设置 : 设为首页 | 加入收藏
    更换皮肤:
  •   
  •   
  •   
  •   

名家推介:阿仙奴打吡拔刺

发布时间: 2019/9/1 【字体:

阿仙奴打吡拔刺

2019/09/01 文:乐比坚尼

阿仙奴快翼 尼高拉斯比比

next 1/1 pre

热刺箭头 哈利卡尼

next 1/1 pre

黄金9月发围之时

今日正式踏入9月,亦正係阿仙奴发围之时!事关9月係阿仙奴参与英超以来成绩最好嘅月份,上季就曾创下4连胜佳绩,今晚英超「北伦敦打吡」,阿仙奴主场对同市死敌热刺,主队可望食住呢个旺势,让平半乐比撑「兵工厂」上盘!

(Now 611及621周日晚11时30分直播)

阿仙奴近年嘅轨迹都相当接近,季初往往畀到球迷惊喜,更屡屡出现「黄金9月」嘅盛况。英超成立以来,佢哋喺9月总共赢过60场,胜率高达61%,两样嘢都係咁多月份之中最高,不过过多两个月就会出现「黑色11月」,成绩急泻,几乎季季都有类似嘅走势。当然呢个只係大数据大方向,唔係话阿仙奴每逢9月就赢硬,但无可否认阿仙奴季初确係特别顺,塬因之一係阿仙奴多年来都受伤兵问题折磨,每当其他杯赛杀到埋身时,球队板櫈深度不足嘅问题就会浮现,所以季初时期「兵工厂」多数会出现一段小阳春。

事实上,今季嘅阿仙奴确实令人憧憬,其转会操作被高度讚扬,尼高拉斯比比、丹尼施巴路斯甚至大衞雷斯嘅加盟都被指对症下药,即使上仗不敌利物浦1比3,但都明显见到两队嘅距离係接近咗,睇到球队未来希望。

热刺作客曳到得人惊

热刺今季开局明显唔顺,开锣战面对实力平庸嘅阿士东维拉艰苦反胜,上轮主场对纽卡素久攻不下输0比1,球迷睇到眼火爆,主将基斯甸艾历臣因转会问题未列正选,亦係发挥欠佳嘅主因。

其实自上季季中开始,热刺作客成绩就相当得人惊,联赛创下6连败劣绩,若计埋杯赛更係11场输9场,喺今季睇唔到有任何改善嘅情况下,作客酋长球场难以看好。