设置 : 设为首页 | 加入收藏
    更换皮肤:
  •   
  •   
  •   
  •   

名家推介:蓝月红军赢在起跑线

发布时间: 2019/9/1 【字体:

蓝月红军赢在起跑线

2019/09/01 文:黄兴桂

唔经唔觉英超踏入第4轮,而且欧联分组赛喺上周中亦进行咗抽籤,观乎各队起步嘅表现,似乎同我嘅预测相若,上季争冠斗到最后阶段嘅曼城同利物浦,依然喺争标大势上鹤立鸡群,其他18队只能讲句望尘莫及。

欧联籤运好过伦敦双雄

先讲讲欧联抽籤,曼城同萨克达、萨格勒布戴拿模及阿特兰大同处C组,利物浦则喺E组面对拿玻里、萨尔斯堡及亨克,双雄出线16强毫无难度。至于另外两支参加欧联嘅伦敦双雄,热刺喺B组撞正拜仁、奥林比亚高斯及贝尔格莱德红星,绝对唔易啃,而且高层奉行紧缩银根嘅政策,唔好话要重演上届杀入决赛嘅奇迹,净係要保住联赛前4都唔易。车仔喺新帅林柏特带领下,仍处于重建阶段,佢哋被编入有阿积士、华伦西亚及里尔嘅H组,入到16强已属交到货,相信保住联赛前4嘅目标更实际。

除咗伦敦双雄各有问题外,阿仙奴踢法上仍未做到攻守平衡,曼联则继续「成也普巴、败也普巴」,表现飘忽不定,加上板櫈深度不足,实在难同曼城、利物浦抗衡,后两者今季变动唔大,打法早已成形,同列强仍需行磨合相比,已赢在起跑线,因此今季英超仍属「蓝红」争冠局面。